نبضـآت المسآفرٍ × << فضفضت سعوي

السلام عليكم ورحمة الله وبركاته

×



قديمه يالنبضـآت

فكرة الموضوع مثل المواضيع اللي قبل عن النبضات

بداية الموضوع الأول ,,

ليه أبوي الله يهديه ماصار ياباني ؟

من بعد ماشفت برنامج خواطر 5 وانا خاقن مع اليابان بشكل ماتتصورونه ,,

كمبيوتر + مخ موب صاحي + عليهم ديره تشق الراس

سؤال ( مع اني عارف انه مافيه امل نصير مثلهم )

تخيلو السعوديه مثل اليابان بكل شي ؟

يعني سعودي يصنع سياره والا سعودي يمشي بسيارته بهداوه والا سعودي يحترم أنظمة المرور يالله فله صح

لاويقولون
ان عليهم مرور ماشاء الله يرد الروح خلال 5 دقايق وهم واصلين عندك موب مثل
حقينا اللي تنطق ساعه ونص بمكانك لين مايجيك العسكري لأنه يفطر فول
وشكشوكه بـ محل القرموشي على ذا الصبحيه ومايبي ازعاج ومتى ماروق يبي يمر عليكم يعطيكم ورقه ويقولوكم الوعد المرور الفلاني

لاوماعندهم
جدران مشخمط عليها مثل عندنا اللي صارت نص جدران سكان السعوديه مثل دفتر
كشكول ابو اربعين لاومن زين الكتابات اللي يكتبونها
أبو مناحي ,, هزي ياكامري ,, فارس مهدي فنان العرب ,, يانا يانا في حبيبي اموت انا في حبيبي

وماعندهم شي اسمه اذا خلصت دخانك ترميه بالأرض لا ممنوع موب مثل عندنا لو ماتنتبه لـ ثوبك كان صار طفايه

وماعندهم مثلنا حنا نقول لـ عامل النظافه اللي بالشارع ياصديق ومسكين راتبه 250 ريال اما هم لامايسمون كذا يسمون بـ مهندس النظافه وراتبه 18000 ريال يعني راتب مدير بـ شركه عندنا

لاوعندهم طلاب المدرسه يشاركون بتنظيف المدرسه اما حنا لو المدير ارسل ورقه لـ ابو الطالب انه ينظف المدرسه مع اخوياه كان جا وجلد المدير واحتمال يدخل اصبعه بعين المدير

الموضوع الثاني ,,

صراحه انا مستغرب من المراكز اللي مسوينها حقت الاقلاع عن التدخين ؟

اوكي جزاكم الله خير على الفكره بس فيه شي أسهل تبي تخلي السعودي غصبن عن ابوه يقطع الدخان

قولو وشي يافيصل وشي يافيصل

الدخان بدال ماهو بـ 6 ريال مدري كم يخلونه بـ
45 ريال ذيك الساعه السعودي اللي مسوي ان ابوه صاحب شركة هوت ميل وامه
صاحبة الياهو يشتري الدخان كل يوم شرط ان تقل نسبة التدخين عندنا بنسبه
كبيره مره

لاوالحين الدخان صار موضه لـ البنات والعيال والبزران ,,

لـ درجة مره طلعت الساعه 7 ونص للجامعه ورحت لـ البقاله اللي حول بيتنا واشوف بنت تحاسب ع دخان :s

انا قلت يمكن تبي تستحي شوي وتحط الدخان بالكيس بس لااستحت ولاشي ولاكأن معها دخان !!

لاويوم خزيتها بعين بغت تحط اصبعها بعيني اليسار



× خذ وخل ×


, اقترح يتغير اسم اليوم الوطني الى يوم التخريب الوطني


, متى يطلع لنا ابو نوره و بـ اللثام مثل ماغنا بـ البراقع أحس لوطلع البوم وفيه الأغنيه هاذي تبي تنجح نجاح كبير لأنها تخقق خخخخ ( فيس خاق ع اللثمه )


, أكشط واربح > ( مافيه جوائز لعبت عليكم )


, قررت الفنانه مياده الحناوي اقامت دويتو يجمع بينها وبين فنان الدشير مزعل تحت شريط دوئي يامزيكا هاذا وسيتم اختيار الكلمات والألحان من قبل الفنان مزعل والدراهم على مياده


, العالم المصري ( رمضان مبروك ابوالعلمين حموده ) يفوز بجائزة نوبل في الفيزياء عن اختراعه (شيشة) تعمل بالطاقة الشمسية..


, فيلم أميركي يفوز لأول مرة بجائزة مهرجان ( بيشة‎‏ الدولي )‏ السينمائي الدولي بعد أن كانت حكراً" على الأفلام المصريه ..


, السعودية تحرز المركز الثاني في بطولة كاس العالم لكرة القدم والتي أقيمت في حائل بعد خسارتها أمام المنتخب البيرو


,
بعض الشباب السعودي يموت ضحك بصراحه اذا كان لابس شماغ تحصله مايحرك راسه
ابد لايمين ولايسار رقبته ثابته لدرجة انك تحس انه مدبس الشماغ ع راسه قبل
لايطلع وهاذولي تحصلهم بالتحليه اكثر شي يختشي عليهم ..


, مايرفع
ضغطي من الدعايات الا دعاية دجاج دو يعني شويه عليها كلمة ماصله لدرجة اني
بعض المرات ع مدحهم لدجاج دو احس ان الدجاج نوعين صلب وقبايل


, وزارة التربيه والتعليم تقولكم خلو عيالكم يروحون المدرسه واذا اكتشفنا حالتين وفاة نبي نأجل الدراسه ( تقل مايكتبون بالجرايد كل يوم وفاة حالتين بالسعوديه بمرض انفلونزا الخنازير )


, العرب حاطين براسهم ان بالسعوديه كل بيت فيه نفط لدرجة مره رحت لـ
مصر وقابلني واحدن يشحذ جلس يمدح فيني ساعه حسيت اني عبدالعزيز بن فهد ومن
ضمن المدح اللي قاله قال ياكبير ياباشا يامدري وشو وهو لو يدري ان
مابمخباتي الا 10 جنيه كان ذبحني


, سؤال رافع ضغطي ؟ ليش السعوديين ع ايام التسعينات كانو كدش وشنباتهم تحك الأرض !! للدرجه هاذي ماعندهم حلاقين


, انفلونزا
صقر تصيب البنات السعوديات لان صرنا نشوف توبيكات له وصور شخصيه وتواقيع
وبعضهم يكتبون الله يرحمك ياصقر مدري التخلف وصل فيهم الى الدرجه هاذي !!


,
أزمة دبلوماسية تنشب بين السعوديه وفرنسا بسبب سيجارة ألقاها سائح فرنسي
في الشارع في أشهر المنتجعات السياحية في قرية أم حلبان وفرنسا تعرض
تعويضات بينما المملكه تبي رأس الفرنسي ..


, انتهى مشروع المترو الرابع في المملكه العربيه السعوديه وتحديداً في احدى قرى جازان ألف مبروك للمملكه الإنجاز المسبق ..


الموضوع الأخير ,,

[ الدار دار ابونا والقوم حاربونا ,,, ]

واحد من العيال يشتغل بالهيئه يقول مره رحنا لـ
أحد الأسواق بالعليا يقول وقفنا عند فلسطينيه معها بناتها وكلهم فاتشين
ووحده منهم مطلعتن قذلتها تقل عنز جايها بواسير جاها الشيخ قالها تستري
يابنت جت امهم قالت يالله روح ياارهابي !!

قال ارهابي طيب انتي قاذفتني وماراح اسامحك وراح اخذ حقي منك بالشرع الفلسطينيه يوم سمعت بذا الكلام راحت لـ
الشرطي اللي مع الهيئه قالت له يازلمه ياحضرة الضابط انا ماكنت اقصد قالها
دقي على زوجك خليه يجي وتجلس تصيح هي وبناتها لين ماقالو امين

يعني صدق ان اللي قال الدار دار ابونا والقوم حاربونا ,,

والحين لو تمشي بالسياره وتضرب لـ مصري بوري او تمصع النور العالي عليه ممكن ينزل ويجلدك

إنتهى كل شي بس بقول كلمه قبل النهايه :

اللي
ينقل الموضوع بكيفه بس اهم شي يذكر المصدر واللي موب ذاكره يارب تنكسر
ايده اليمين عشان مايقدر يحرك الفاره و يترك النت لمدة شهر
ويقولون انها احتمال آخر نبضات [ ]

شكــــــــــــــــــرااا

ننتضر المزيد من المواضيع

جزاك الله خيرااا